Nagpakita ng kabayanihan ang mga miyembro ng PNP- SAF Oriental Mindoro nang sagipin ang isang nalulunod na bata sa swimming pool ng isang public resort sa Bongabong, Oriental Mindoro.
Maputla na at wala nang malay ang bata nang maiahon mula sa pagkakalunod na nakilalang si Jumong Moreno, isang 5 taong gulang.
Makikita sa video na binibigyan ng CPR nina PCpl Kurt V Escalante at PCpl Kevin G Aguirre na parehas na may training sa Combat Medics.
Abot ang pasasalamat ng pamilya sa mga miyembro ng kapulisan dahil sa pagkakasalba sa kanilang anak na anila’y muntik nang mawalan ng buhay. – sa panulat ni Ron Lozano
