Mga nabihag na sibilyan sa Marawi ginagawang human shield ng Maute

Kinumpirma  ng  Armed  Forces  of the  Philippines  na  ibinabala  na  ng  Maute  Terror group ang  kanilang  mga  bihag na  sibilyan sa  mga  tumutugis  na  tropa  ng  militar sa  Marawi City.

Sinabi ni AFP Spokesman Brig. Gen. Restituto Padilla, nakatanggap sila  ng  impormasyon na  pinagsusuot ng  itim na  damit  at  pinapahawak ng  baril ang  mga  bihag  ng  Maute  Terror  Group at  sila ang  ginagawang  nasa  frontline.

Dahil dito ay  naging maingat  aniya  ang  mga  sundalo dahil hindi nila  alam  ngayon kung  sino ang kanilang  kalaban at  kung  sino ang  mga  biktima.

Sinabi  ni Padilla  na  maliwanag  ang  kanilang  rules  of  engagement  at  kapag  alam nilang  sibilyan ang mga  ito ay nag-iingat  ang  tropa  na  hindi sila  madamay.

By: Aileen Taliping

Comments

comments