Ipinag-utos ng Department of the Interior and Local Government (DILG) na tugisin at panagutin ng Philippine National Police (PNP) ang sinumang responsable sa pagpapakalat ng pekeng mga COVID-19 swab test results.
Ito ang kautusan ni Interior oiffcer-in-charge Bernardo Florence Jr., matapos na mapaulat na may iilan ang gumagamit ng pekeng COVID-19 swab test para makabiyahe sa iba’t-ibang lugar.
Bukod sa pag-aresto at pagsasampa ng kaso sa mga gumagawa ng pekeng swab test result, gusto rin ni Florence na isama ang mga indibidwal na may hawak ng mga ito.
Magugunitang may ilang katao ang naaresto sa Boracay dahil sa paggamit ng mga pekeng COVID-19 swab test results.
