Iniimbestigahan na ng Facebook ang mga nagsulputang pekeng account sa bansa.
Ito’y matapos ang pagrereklamo ng ilang mga estudyante maging ng mga alumni mula sa iba’t ibang paaralan hinggil sa mga FB account umano na ginagaya o ginamit ang kanilang pagkakakakilanlan.
Sinabi ng pamunuan ng Facebook na kinukumpirma na nila ang katotohanan sa napaulat na pekeng account.
Anila, agad aalisin ang mga ito sa oras na mapatunayang hindi legit ang nasabing account.
Kasabay nito, nanawagan ang Facebook sa publiko na agad i-report ang mga makikitang kahina-hinalang Facebook accounts.
