Nadagdagan ng 48 ang bilang ng mga nasawi sa COVID-19 sa Baguio City.
Ayon sa Public Information Office o PIO, naitala ang mga nasabing kaso sa loob lamang ng mahigit dalawang linggo.
Sinasabing naitala ang pinakamaraming insidente ng pagkasawi noong Abril 9 na umabot sa siyam.
Ang pinakamatanda umanong pumanaw ay edad 80 habang 31 naman ang pinakabata.
Samantala, inamin naman ni disease expert Dr. Bernard Demot na karamihan sa mga nagpapakonsulta sa lungsod ay malala na nang lumapit sa doktor o ospital.
