Anim na ang nasawi sa pananalasa ng typhoon Shanshan sa Japan.
Bagamat humina na ang nasabing bagyo, patuloy pa rin itong nagdadala ng malakas na pag-ulan sa ilang bahagi ng nasabing bansa.
Halos walumpu katao naman ang naitalang sugatan sa kasagsagan ng pananalasa ng bagyo habang mahigit dalawandaang libong kabahayan ang nawalan ng kuryente.
Ang typhoon Shanshan ay itinuturing na isa sa pinakamalakas na bagyo na tumama sa Japan.
