Muling ipasisilip ni Department of the Interior and Local Government or DILG Secretary Mike Sueno ang nangyaring reinstatement sa mga pulis na una nang nasibak sa kanilang serbisyo.
Ito’y makaraang madiskubre ng kalihim na aabot sa 47 dismissed na mga pulis ang nakabalik sa trabaho nuong nakalipas na administrasyon.
Bagama’t hindi pinangalanan, napag-alamang sa panahon ni dating DILG Secretary Mar Roxas nangyari ang reinstatement sa mga sinibak na pulis.
Gayunman, hindi dumaan sa tamang proseso ang reinstatement mula sa National Police Commission dahl dumiretso ito ayon kay sueno sa tanggapan ng dating kalihim ng kagawaran.
By Jaymark Dagala
Photo Credit: CNN Philippines
