Mga ‘nasuhulang’ miyembro ng CA handang kasuhan

Nakahanda ang Malacañang na sampahan ng kaso ang mga umano’y nasuhulang miyembro ng Commission on Appointments o CA na humarang sa nominasyon ni Gina Lopez bilang kalihim ng Department of Environment and Natural Resources o DENR.

Kasunod ito ng pahayag ni Pangulong Duterte na gumana ang lobby money kayat hindi nakalusot sa makapangyarihang CA si Lopez.

Ayon kay Chief Presidential Legal Counsel Salvador Panelo, tiyak na gugulong ang prosekusyon sa oras na makakalap sila ng sapat na ebidensya.

Sa ngayon, sinabi ni Panelo na ipinauubaya na muna nila sa Department of Justice o DOJ ang pagbusisi sa sinasabing suhulan sa mga miyembro ng CA.

By  Ralph Obina

Comments

comments