Sinimulan na ngayong araw na ito ng Judicial and Bar council o JBC ang panel interview sa mga kandidato para sa mababakanteng posisyon ng Ombudsman.
Kabilang sa mga naka-schedule para sa panel interview sina Labor Secretary Silvestre Bello III, Sandiganbayan Associate Justice Efren dela Cruz, Atty. Edna Batacan, Atty. Rey Ifurung at Atty. Rainier Madrid.
Sa hapon sasalang naman sa panel interview sina Supreme Court Associate Justice Samuel Martires, dating Sandiganbayan Presiding Justice at ngayo’y Special Prosecutor ng Ombudsman Edilberto Sandoval, Atty. Felito ramirez at Atty. Rex Rico.
Aplikante rin para sa nasabing posisyon si Davao RTC Judge Carlos Espero subalit may bisa pa ang panel interview sa kaniya ng JBC noong June 14, 2018 nung nag-apply pa siya para maging associate justice ng Korte Suprema.
Si Ombudsman Conchita Carpio Morales ay nakatakdang magretiro sa darating na July 26.
—-
