Nag-anunsyo na ang mga kumpaniya ng langis kaugnay sa kanilang pagtatapyas presyo sa mga produktong Petrolyo
Buena manong magpapatupad ng kanilang rollback ang kumpaniyang seaoil epektibo 6 ng umaga bukas, hulyo 22
25 sentimos ang kanilang tapyas sa kada litro ng Gasolina, 20 sentimos naman sa kada litro ng Diesel at 40 sentimos sa kada litro ng Kerosene
Ganito rin ang ipatutupad na rollback sa presyo ng mga produktong Petrolyo ng mga kumpaniyang Shell at Petro Gazz sa Martes, Hulyo 23 ganap na 6 ng umaga
Pero sa kabila ng naka-ambang bawas presyo nananatili namang mataas ang presyo ng langis bunsod na rin ng ilang linggong Oil Price Hike
Batay sa monitoring ng Department of Energy mula Hunyo 18 hanggang Hulyo 16 , nasa 3 piso at 15 sentimos ang itinaas sa kada litro ng Gasolina habang 2 piso at 40 sentimos ang itinaas sa kada litro ng Diesel at Kerosene
