Inilarga na ng mga kumpanya ng langis ang panibagong dagdag presyo sa kanilang mga produkto.
Epektibo alas 12:01 ng hatinggabi kanina nang buena manong ipatupad ng Flying V ang dagdag 25 sentimos sa kada litro ng gasolina at diesel habang 45 sentimos sa kerosene.
Ala 6:00 naman mamayang umaga ilalarga ng Eastern Petroleum, Seaoil, PTT Philippines, Phoenix Petroleum at Shell ang kahalintulad na price hike.
Ito na ang ikalimang sunod na linggong nagtaas ng presyo ang mga kumpanya ng langis ngayong buwan lamang.
—-
