Hindi na rin makabitaw maging ang Palasyo ng Malacañang sa Aldub fever ng longest running noontime show na Eat Bulaga.
Ito’y dahil minadali ni Presidential Spokesman Edwin Lacierda ang ginawang media briefing sa Palasyo kahapon na tumagal lamang ng 30 minuto.
Ilang katanungan lamang ang nasagot ni Lacierda partikular ang usapin ni Vice President Jejomar Binay at ang pagbabalik kalsada ng PNP Highway Patrol Group.
Ngunit agad na rin nitong pinutol ang briefing dakong ala-1:00 ng hapon upang makahabol aniya sa pinakaaabangang kalye serye.
By Jaymark Dagala
