Isasalang ngayong Biyernes sa case raffle ang kasong graft na kinakaharap ni dating PAGCOR Chairman Efraim Genuino at pitong iba pang dating opisyal ng gobyerno.
Nag-ugat ang kaso laban kay Genuino dahil sa maanomalyang pagre-release ng PAGCOR ng Tatlumpu’t Pitong Milyong Pisong pondo para sa pagsasanay ng mga swimmer sa lumaban sa 2012 Olympics.
Maliban kay Genuino, dawit din sa kaso sina dating PAGCOR President at Chief Operations Officer Rafael Francisco, dating PAGCOR Senior Vice President Edward King, dating PAGCOR Executive Vice President Rene Figueroa, dating PAGCOR Vice President Ester Hernandez, dating PAGCOR Assistant Vice President Valente Custodio, dating Philippine Sports Commission Chairman William Ramirez at dating Philippine Amateur Swimming Association Inc. (PASA) President Mark Joseph.
By: Meann Tanbio
