Mahigit 700 pamilyang naapektuhan ng lindol sa Itbayat, Batanes ang nananatili pa rin sa evacuation centers.
Ayon sa National Disaster Risk Reduction and Management Council (NDRRMC) pitong daan at apat napu’t dalawang pamilya o mahigit dalawang libong indibidwal ang nasa evacuation centers pa rin at ang mga ito ay mula sa limang barangay sa Itbayat.
Ipinabatid pa ng NDRRMC na mahigit dalawandaang bahay ang napinsala at higit sa kalahati ang gumuho samantalang walumpu’t isa ang bahagyang nasira.
