Kasama ang mga Parojinog sa listahan ni Pangulong Rodrigo Duterte ng narco personalities na sangkot sa illegal drug trade.
Inihayag ito ni Presidential Spokesman Ernesto Abella matapos mapaulat na napatay sa raid ng mga otoridad si Mozamiz City Mayor Reynaldo Parojinog kasama ang ilan pang tauhan, habang naaresto naman ang anak nitong Vice-Mayor.
Sinabi ni Abella na nangako ang administrasyon na lalo pang paiigtingin ang kampanya kontra iligal na droga.
Hindi naman masabi ni Abella kung nakarating na kay Pangulong Duterte ang nangyari sa alkalde.
Maglalabas aniya ang mga otoridad ng updates sa sandaling matapos ang imbestigasyon.
- Aileen Taliping
