Sinalubong ng perwisyo ang ilang mga pasahero sa bus terminals sa Edsa Cubao dahil sa pagdagsa ng mga galing probinsya sa norte at bumalik ng Maynila kanina.
Ito ay bunsod ng ginagawang night operations ng mga bus kung saan alas-diyes na nagumpisang bumyahe ang ilan dahil sa ipinatutupad na window hours para sa mga provincial buses.
Mababatid na sa ilalim ng window hours, 10pm hanggang 5am lang pwede magbaba ng pasahero ang mga provincial buses sa mga main terminals nila sa Cubao.
Samantala, pahirapan makabalik ng kanilang bahay ang mga pasahero dahil dis oras na nakakabalik ng Maynila at wala nang masyadong masakyan na mga pampublikong transportasyon.