Patuloy sa pagdagsa ang mga pasahero sa Araneta Center Bus Terminal sa Cubao, Quezon City ilang araw bago ang bagong taon.
Madaling araw pa lamang ay mahaba na ang pila ng mga pasaherong nagnanais na makauwi patungong Samar, Leyte at Bicol region.
Nagdulot ito ng bahagyang pagsisikip sa daloy ng trapiko malapit sa terminal dahil sa mga taxi na nagbababa at nagsasakay.
Mahaba rin ang pila papasok ng terminal dahil sa mahigpit na inspeksyon ng mga bag at iba pang dalahin ng mga pasahero.
Inaasahang mamayang hapon ay mas dadami pa ang pasaherong magsisi-uwian sa mga probinsya ngayong huling araw ng mga opisina at trabaho para sa taong 2017.
