Pinalagan ni Liberal Party Interim President at Senador Francis Pangilinan ang mga naging patutsada laban sa kanila ni Senate President Koko Pimentel.
Ayon kay Pangilinan, bagama’t makailang ulit nang itinatanggi ng LP na sila ang nasa likod ng inihaing impeachment complaint laban sa pangulo, hindi naman aniya makatuwiran na sila lagi ang pagbintangan.
Aminado si pangilinan na maraming bagay ang kanilang sinusuportahan sa pamamalakad ng pangulo ngunit hindi naman aniya ibig sabihin nito’y magsusunud-sunuran na lamang sila.
Una rito, hinamon ng senate president ang lp senators na batikusin ang sinumang nasa likod ng inihaing reklamo laban sa pangulo upang patunayan na hindi sila ang nasa likod ng tangkang pagpapabagsak sa administrasyon.
By: Jaymark Dagala
