Natagpuan na ng mga awtoridad ang sinasabing mga personal na kagamitan ng napaslang na miyembro ng Masculados na si Marcelo de Guzman Ong o Ozu Ong.
Nadiskubre malapit sa Bucal bridge sa Dasmariñas City ang registration plate ng Toyota Hilux ni Ong kasama na ang isang baril, salamin, ATM cards at Identification cards ng biktima at ng isang Vassyline Kyrillis dela Cruz.
Si Ong ay binaril malapit sa gate ng isang subdivision sa Barangay Mahabang Parang sa Angono, Rizal noong Agosto 2.
Ayon sa mga awtoridad, tumibay lalo ang teorya na carjacking ang motibo sa naturang pamamaslang.
By: Jelbert Perdez
