Nadagdagan ng isa ang bilang ng mga Pilipino abroad na tinamaan ng coronavirus disease 2019 (COVID-19).
Bunga nito, ayon sa Department of Foreign Affairs (DFA), pumalo na sa 9,984 ang mga Pinoy na nagpositibo sa virus sa labas ng bansa.
Wala namang bagong naitalang nasawi kaya’t nananatili sa 733 ang death toll.
Maliban dito, nadagdagan naman ng 26 ang bilang ng mga narekober sa sakit dahilan upang sumampa sa 5,953 ang total recoveries sa hanay ng mga Pinoy sa ibayong dagat.
