Mahigit sa tatlong milyong Pilipino na ang nabakunahan kontra coronavirus disease 2019 (COVID-19) sa bansa.
Ito ay batay sa huling pag-uulat ni vaccine czar Carlito Galvez kay Pangulong Rodrigo Duterte ngayong Martes.
Ayon kay Galvez, nasa kabuuang 3,001,875 mga Pinoy na ang bakunado laban sa COVID-19.
Sa naturang bilang, 2,282,273 katao ang kabilang sa A1 at A4 priority groups ng pamahalaan, habang 719,602 Pinoys naman na kapwa kabilang sa mga naturang grupo ang naturukan na ng dalawang dose ng COVID-19 vaccine.
Samantala, tiwala naman si Galvez na mas mapaiigting pa ng gobyerno ang kanilang vaccination program laban sa COVID-19.
