Nais ng Pangulong Rodrigo Duterte na personal na salubungin ang unang batch ng mga Pilipinong uuwi ng bansa mula sa China kung saan nagmula ang novel coronavirus acute respiratory disease (2019-nCoV ARD).
Sa Sabado, inaasahang darating sa Clark International Airport ang unang batch ng mga Pinoy mula sa China.
Gayunman, ayon kay Cabinet Secretary Karlo Nograles, kailangan pa itong pag-aralan at pag-usapan ng presidential management staff at ng Presidential Security Group.
Malaking hamon aniya ang pagbibigay ng proteksyon sa Pangulo lalo pa’t hindi ito mapigilan sa pakikipagkamay sa mga tao sa kabila ng banta ng 2019-nCoV ARD.
