Mas lalong dumarami ang bilang ng mga Pinoy na nakukulong sa Dubai dahil sa mga kasong may kaugnayan sa droga.
Sa ulat ng Gulf News, muling binalaan ng Philippine Consulate General ang mga Overseas Filipino Workers (OFWs) na huwag magpagamit sa mga sindikato.
Sinasabing pumalo na sa 66 ang mga na-convict at nakakulong na mga Pinoy dahil sa drug cases sa Dubai Central Jail.
Ayon kay Consul General Paul Raymund Cortes, sa naturang bilang, 12 umano ang mga babae habang karamihan naman ay mga lalaki.
By Jelbert Perdez
