Nagdeklara na ng state of calamity sa Negros Occidental ang Provincial Disaster Risk Reduction and Management Council o PDRRMC.
Ito’y matapos sumampa sa P400 milyong piso ang pinsala sa mga pananim at hayop dahil sa El Niño phenomenon.
Agad din namang inaprubahan ni Governor Alfredo Marañon Jr. ang naturang deklarasyon ng PDRRMC.
Una nang nagdeklara ng state of calamity ang mga bayan ng Hinobaan, Pontevedra, Hinigaran, at Sipalay City bunsod ng kakapusan ng supply ng tubig mga palayan.
Isinailalim na rin sa state of calamity ang buong probinsya ng Iloilo dahil sa El Niño phenomenon.
Ito’y makaraang aprubahan ng sangguniang panlalawigan ang rekomendasyon ng Provincial Disaster Risk Reduction and Management Council o PRDDMC.
Matatandaang una nang inilagay sa state of calamity ang mga bayan ng Duenas, Sta. Barbara, Estancia, Calinog, Bingawan, Dingle at Miag-ao.
Batay sa Republic Act 8185 at Memorandum Order 4 ng National Disaster Coordinating Council o NDCC, maaaring ideklara ang state of calamity kapag dalawa o higit pang munisipalidad ang apektado ng isang disaster o kalamidad.
By Jelbert Perdez
