Nauwi sa gulo ang kilos-protesta ng mga militanteng grupo sa harap ng US Embassy kaninang umaga.
Binomba ng tubig ng isang truck ng bumbero ang mga raliyistang nagpumilit lumapit sa gate ng embahada ng Amerika.
Dahil dito, nabasa hindi lang ang mga militante kundi maging ang mga miyembro ng media at ang mga pulis na naka-barikada sa US Embassy.
Ilang mga militante rin ang nasaktan sa nasabing kilos-protesta.
Pagpapaalis sa mga Amerikanong sundalo sa Pilipinas ang isinisigaw ng mga militante.
Makalipas ang halos isang oras, kusang loob nang umalis sa Roxas Boulevard ang mga raliyista para makiisa naman sa isang pagtitipon sa EDSA People Power Monument.
By Jonathan Andal (Patrol 31 | with report from Aya Yupangco (Patrol 5)
