Nagbabala si Philippine National Police (PNP) Chief Director General Ronald “Bato” Dela Rosa na padidis-armahan niya ang mga pulis na palpak bumaril.
Kasabay nito, ipinag-utos din ni Dela Rosa sa lahat ng mga miyembro ng PNP na sumailalim sa marksmanship training at lahat ng mga babagsak ay didisarmahan.
Ayon sa Hepe ng Pambansang Pulisya, gagawin ito upang maiwasan ang collateral damage sa mga operasyon.
Giit ni Dela Rosa, walang karapatang humawak ng baril ang mga palpak na shooter.
Sinabi naman ng PNP Chief na lahat ng mga magagagaling ay tutulong sa iba para maging mahusay din ang mga ito.
Nilinaw naman ni Dela Rosa na hindi nito layuning patayin ang mga drug pusher kundi nais niya lamang na buhay na uuwi sa kanilang mga pamilya ang kanyang mga tauhan.
By Jaymark Dagala
