Sinampahan na ng kasong kriminal ang limang pulis na sangkot umano sa pagdukot sa isang Master agent ng Online cockfighting o E-sabong sa San Pablo City, Laguna, noong nakaraang taon.
Kinilala ang biktima na si Ricardo Lasco, na kinidnap noong Agosto, 2021 sa San Pablo, Laguna.
Dahil diyan, kinasuhan ng Violation of Art. 267 ng RPC o kidnapping and Serious Illegal Detention ang mga suspek na kinilalang sina:
- PSSGT. Daryl Paghangaan;
- Pat Roy Navarete;
- PLT. Henry Sasaluya;
- PMSGT. Michael Claveria;
- Pat Regil Brosas;
- Several John Does
Na nakuhanan ng pera, gamit, cellphone, alahas at halos P700,000 na halaga ng pera.
Nadisarmahan na ang mga pulis at under restrictive custody na sa Regional Headquarters ng CALABARZON habang dinidinig naman ang kaso laban sa kanila.
Samantala, sinimulan na rin ang motu proprio investigation ng Regional Internal Affairs Service para sa kasong administratibo laban sa mga sangkot na pulis. — sa panulat ni Angelica Doctolero
