Nakatakda nang pangalanan ng pambansang pulisya ang mga opisyal at tauhan ng Philippine National Police na sangkot sa operasyon ng iligal na droga sa bansa.
Ito’y ayon kay PNP Chief Dir/Gen. Ronald Bato Dela Rosa sa sandaling matapos na ang kanilang ginagawang performance evaluation na inaasahang lalabas bago matapos ang taon.
Ayon sa PNP Chief, nanganganib masibak sa puwesto ang mga opisyal ng pulisya partikular na sa mga lugar na matataas ang kaso ng droga.
Samantala, inihayag ng PNP Chief na hindi nito kilala ang 6 na Heneral na tinutukoy ni Pangulong Rodrigo Duterte nuong Lunes na pinasibak na nito.
Sa kaniyang pagkakaalam, limang heneral lamang ang sangkot sa drug operations kung saan, tatlo sa mga ito ang aktibo pa habang dalawa ang retirado na.
By: Jaymark Dagala
