Tinawag na slow o mabagal ni Presidential Spokesman Harry Roque ang mga pumuna sa pagbati ng panalo matapos na hindi umabot sa 40,000 ang coronavirus disease 2019 (COVID-19) cases sa bansa na tulad ng projection ng University of the Philippines.
Ayon kay Roque, hindi na gets ng mga kritiko na ang binabati nya ay ang kakayanan ng mga Pilipino na sumunod sa mga panuntunan kaya’t hindi umakyat sa 40,000 ang COVID-19 cases hanggang nitong katapusan ng Hunyo.
Hinikayat rin anya nya ang mga Pilipino na manatiling sumusunod sa mga quarantine rules upang tuluyan tayong manalo sa tunay na kalaban ang COVID-19.
