Nagsimula nang bumalik sa kani-kanilang mga bahay ang nasa limang libong (5,000) residente ng Barangay Basak Malutlut sa Marawi City kung saan nagsimula ang Marawi siege.
Sa nasabing baranggay unang nadinig ang mga putukan nang tangkain ng militar na arestuhin noong Mayo ang emir ng ISIS sa Southeast Asia na si Isnilon Hapilon na kalaunan ay napatay rin sa digmaan.
Emosyonal ang mga residente nang makita ang mga nasira nilang bahay.
Sa ngayon problema pa ang tubig at kuryente sa mga baranggay na winasak ng gyera.
