Kinalma ng Philippine National Police o PNP ang mga residente ng Ozamiz City sa gitna ng umano’y banta ng pag-atake mula sa grupo ng mga supporter ng pamilya Parojinog.
Ayon kay PNP Chief Director General Ronald ‘Bato’ Dela Rosa, huwag matakot at ituloy lamang ang normal na buhay dahil patuloy naman ang ginagawang pagkilos ng Kapulisan para magbigay seguridad.
Aniya, nakaalerto na ang PNP Region 10 sa anumang posibleng pag-atake ng grupo mula sa Lanao del Norte.
Bukod dito ay dumating na sa lugar ang augmentation forces mula sa PNP para tumutok sa mga checkpoint papasok at palabas ng nasabing syudad.
By Rianne Briones
