Naki-usap si San Nicolas, Batangas Mayor Lester de Sagun sa kaniyang mamamayan na huwag munang bumalik sa kani-kanilang bahay dahil nananatili pa ring nakataas sa Alert Level 4 ang bulkang Taal.
Ito’y matapos mapag alaman nang mag ikot ang lokal na pamahalaan na may mga residente na ang bumalik sa kanilang tahanan.
Depensa ng ilang residente, binalikan lamang nila ang kanilang mga alagang baboy at manok para pakainin dahil ito ang kanilang kabuhayan.
Tiniyak naman ng mga residente na babalik din sila ng evacuation center dahil alam naman umano nila na hindi pa humuhupa ang sitwasyon ng bulkang Taal.
