Napuwersang lumikas ang mga sibilyan dahil sa matinding sagupaan ng militar at mga armadong grupo sa Maguindanao mag 3:00 madaling araw ng Lunes.
Ipinabatid ni Captain Ervin Encinas, Public Affairs Chief ng 6th Infantry Division na sunud sunod na sinalakay ng mga miyembro ng Bangsamoro Islamic Freedom Fighters ang militar sa bayan ng Datu Salibo.
Pinasabugan ng mga sundalo ng howitzers cannon ang grupo ni Kumander Bungos ng BIFF dahil sa dami ng mga rebeldeng lumusob.
Makalipas ang dalawang oras ay sumaklolo ang dalawang fighter jet at attack helicopters at binomba ang BIFF na nagtatago sa sitio Andavit sa Barangay Balakanan.
Ayon sa mga residente, apat ang nakita nilang nasawi at maraming sugatan sa panig ng BIFF.
By Judith Larino
