Patuloy na pinaalalahanan ng Office of the Civil Defense o OCD ang mga residenteng apektado ng bagyong Agaton na manatiling ligtas at naka – alerto sa mga posibleng pagbaha at pagguho ng lupa.
Ito ay makaraang umakyat na sa animnaraaan at labing isang (611) pamilya ang isinailalim sa force evacuation sanhi na ng pananalasa ng naturang bagyo sa Visayas at Mindanao gayundin sa Palawan area.
Ayon kay National Disaster Risk Reduction and Management Council (NDRRMC) Spokesperson Mina Marasigan, mahigit dalawandaang (200) pamilya ang tumutuloy ngayon sa kani – kanilang mga kamag – anakan.
Partikular aniyang isinailalim sa force evacuation ang mga nasa ilalim ng public storm signal no. 1 tulad ng Capiz, Zamboanga, Agusan Del Sur, Surigao Del Norte, Surigao Del Sur at Dinagat Island.
Martes ng gabi lamang ay tuluyan nang nag – landfall ang bagyong Agaton sa Palawan area na ayon sa PAGASA ay posibleng lumabas na ng Philippine Area of Responsibility sa mga susunod na araw.
