Maliban sa electronic gadgets, ipinagbabawal din ng LTFRB ang paglalagay ng rosary at iba pang figurines, alinsunod sa pagpapatupad ng anti-distracted driving act.
Ayon kay LTFRB Board Member Atty. Aileen Lizada, binigyan ng ahensya ang lahat ng may-ari ng public at private vehicles ng hanggang Biyernes, Mayo 26 para tanggalin ang mga bagay sa kanilang dashboard o windshield na maaaring makaistorbo sa “line of sight” ng nagmamaneho.
Sinabi ni Lizada na hindi muna mag-iisyu ng traffic violation tickets ang LTFRB personnel, maging ang mga tauhan ng Land Transportation Office, MMDA at PNP Highway Patrol Group hanggang sa susunod na Biyernes para mabigyan ng pagkakataon ang mga vehicle owners na tumalima sa kanilang kautusan.
By: Meann Tanbio
