Pinakikilos ng National Bureau of Investigation (NBI) at Philippine National Police-Criminal Investigation and Detection Group (PNP-CIDG) ang Department of Agriculture Regional Field Office 2 para tukuyin ang mga sangkot sa iligal na pagbebenta ng binhi na ipinamamahagi para sa mga magsasaka.
Sinabi ni Regional Executive Director Narciso Edillo, kinokondena niya ang naturang matiwaling gawain kaya’t nakipag ugnayan ito sa NBI, PNP-CIDG at iba pang kinauukulang ahensya upang panagutin ang mga nasa likod ng iligal na aktibidad.
Nanawagan naman si Edillo sa publiko na isumbong sa mga otoridad ang sinumang grupo o indibidwal na makikilahok sa iligal na pagbebenta ng mga binhi. —sa panulat ni Hannah Oledan
