Handa ang mga Senador na gampanan ang kanilang tungkulin at responsibilidad sa oras na magsagawa ng impeachment trial ang Senado.
Ito ang iginiit ni Senator Joel Villanueva matapos maisumite na sa senado ang kopya ng verified impeachment complaint.
Ayon kay Senador Villanueva, may sinumpaan silang tungkulin bilang mga senador kaya’t kung ano ang dapat nilang gawing tungkulin bilang kinatawan ng taumbayan ay handa sila itong gampanan.
Pero, bigo ang Senado na maisama sa agenda ang natanggap na verified impeachment complaint.
Nag-adjourn na ang sesyon para sa nalalapit na campaign period para sa halalan sa Mayo.
