Nag-negatibo sa COVID-19 test ang limang senador na naka-salamuha ni Defense Secretary Delfin Lorenzana, na una nang nag-positibo sa COVID.
Ito ay sina Senate President Tito Sotto, Senators Francis Tolentino, Juan Miguel Zubiri, Joel Villanueva at Sherwin Gatchalian.
Sa kabila nito, magpapa RT-PCR test pa rin ang mga nabanggit na mambabatas ngayong araw o bukas maging ang iba pang senador at staff na nakasalamuha ng kalihim.
Sakaling mag-negatibo sa swab test, magpapatuloy sa Lunes ang budget deliberation.
Dahil sa nangyari, maaantala ng ilang araw na target na pag–apruba ng Senado sa 2022 Proposed National Budget.
Samantala, nag-negatibo na sa swab test si Lorenzana pero mananatili itong naka-home quarantine hanggang November 23. —sa ulat ni Cely Ortega Bueno, sa panulat ni Drew Nacino
