Nangako ang mga senador na pipirma ang mga ito sa committee report sa pagbalik ng sesyon sa Lunes.
Ipinabatid ito ni Senador Richard Gordon na tiniyak ang suporta ng mga senador sa nakasaad na findings at recommendation sa isyu ng ‘ninja cops’.
Dahil dito, tiwala si Gordon na makakakuha ng pirma ng mayorya ng mga senador na miyembro ng Justice at Blue Ribbon Committees ang report na nagre rekomenda na kasuhan ng paglabag sa Anti Graft and Corrupt Practices Act at Dangerous Drugs Act sina dating PNP chief Oscar Albayalde.
Kaagad ipi-prisinta ni Gordon sa plenaryo ang nasabing report sa sandaling mapirmahan na ito ng mayorya ng mga senador. — ulat mula kay Cely Ortega- Bueno (Patrol 19)
