Magkakaroon ng libreng ticket sa mga sinehan ang mga senior citizen sa Navotas City.
Ito ay matapos ibalik ng lokal na pamahalaan sa lungsod ang libreng panonood ng sine matapos ang mahigit dalawang taong paghihigpit ng restriksiyon bunsod ng COVID-19 pandemic.
Kasama ang mga Pangulo ng Office for Senior Citizens Affairs-Navotas, nakiisa ang magkapatid na sina Navotas City Mayor Toby Tiangco at Navotas District Rep. John Rey Tiangco sa pagbubukas ng naturang programa nitong Lunes, Hunyo a-6.
Para sa mga nais maka-avail ng libreng sine, kailangan lamang na ipakita ang Senior citizen ID, booklet at Vaccination cards sa ticket booth tuwing Lunes at Martes, mula alas-10 ng umaga hanggang alas-5 ng hapon.
