Aabot sa 400 sibilyan ang nagsilikas sa barangay Marbel sa Matalam North Cotabato.
Kasunod ito ng pagsiklab ng sagupaan sa pagitan ng MILF o Moro Islamic Liberation Front at MNLF o Moro National Liberation Front.
Ayon kay Cotabato Police Provincial Office Spokesperson Supt. Bernard Tayong, nagkaroon ng engkwentro ang pangkat nina Kumander Manzur Imbong at Kumander Pong Unsil ng MILF laban kay Kumander Tato Manial ng MNLF.
Aniya, nag-ugat ang labanan dahil sa alitan sa lupa ng pamilya nina Unsil at Imbong na magkamag-anak laban sa pamilya nina Manial.
Nilinaw naman ng MILF at MNLF na walang kinalaman sa kanilang mga grupo ang nangyaring labanan dahil away pamilya ito.
Posted by: Robert Eugenio
