Makaaasa ang mga sundalo sa patuloy na pagsuporta sa kanila ni Pangulong Rodrigo Duterte sa harap na rin ng mga hamon na nagiging balakid sa pag-unlad ng bansa.
Iyan ang pagtitiyak ni Pangulong Duterte sa kaniyang naging pagbisita nito sa 26 na sugatang sundalo sa Philippine Army General Hospital sa Taguig City, kahapon.
Kasunod nito, iginawad ng Pangulo ang Order of Lapu-Lapu na may ranggong Kampilan sa mga sugatang kawal dahil sa buong tapang na pakikipaglaban nito sa mga terorista sa Marawi City.
Sa huli, hinimok ng Pangulo ang mga sundalo na samahan siyang itayong muli hindi lamang ang Marawi kung hindi ang buong bansa.
—-
