Aabot sa 8 miyembro ng bandidong Abu Sayyaf Group ang sumuko sa mga tropa ng Militar sa bayan ng Talipao, lalawigan ng Sulu.
Kinilala ni Joint Task Force Sulu Commander, MGen. Ignatius Patrimonio ang mga sumuko sa mga alyas na Tuang, Isbain, Asuwad, Siddik, Wahab, Tubah, Jul at Paddih.
Kasamang ibinaba ng mga sumukong bandido ang kanilang mga armas tulad ng M1 Garand rifles gayundin ang M16 rifles.
Isasailalim sa debriefing ang mga sumukong bandido sa punong tanggapan ng 1101st Infantry Brigade ng Philippine Army.
Sa kabuuan, may 46 na Abu Sayyaf members na ang nagsisuko sa Pamahalaan sa unang bahagi ng taong kasalukuyan. —ulat kay Jaymark Dagala (Patrol 9)
