Mahalagang gamitin na lamang ng mga awtoridad ang nabawing milyun-milyong Pisong salapi mula sa Maute Group para palakasin ang kanilang intellegence gathering.
Ito’y ayon kay Senador Panfilo Lacson ay upang matukoy na rin kung sino ang nagpopondo sa teroristang grupo para makapaghasik ng lagim sa Marawi City.
Ayon sa Senador, dapat maimbestigahan ang background ng may-ari ng establisyemento kung saan nakuha ang bultu-bultong mga salapi dahil posibleng ninakaw din ito ng grupo sa bangko.
Kasunod nito, pinapurihan ni Lacson ang mga sundalo na patuloy na nagsusumikap na maibalik sa normal ang sitwasyon sa Marawi City sa kabila ng peligro at panganib na kanilang kinahaharap.
By: Jaymark Dagala / Cely Bueno
