Case cleared na ang pagpaslang sa isang brodkaster sa Kidapawan City.
Nangangahulugan ito ayon kay Lt. Col Bernard Tayong, spokesman ng Cotabato Police Provincial Office na natukoy na ang mga suspek sa pagpaslang kay Eduardo ‘Ed’ Dizon batay sa CCTV footage at nakasuhan na ang mga ito.
Sinabi ni Tayong na patuloy pa ang imbestigasyon nila sa kaso at naghahanap ng mga ebidensya laban sa isa pang suspek.
Nakakalaya pa aniya ang mga suspek subalit nakikita ang mga ito sa Kidapawan City.
Hindi naman binanggit ni Tayong ang posibleng motibo sa pagpaslang kay Dizon subalit naniniwala ang mga otoridad na seryoso ito at maaaring may kaugnayan sa kaniyang trabaho.
