Kinasuhan na ang mga suspek na sangkot sa pananambang kay dating Pangasinan governor Amado Espino, Jr. noong isang buwan.
Ayon kay Police Brigadier General Joel Orduña, hepe ng Police Regional Office 1, ang dalawang bilang ng kasong murder at apat na bilang ng frustrated murder ay isinampa laban kina Albert Palisoc, Armando Frias, Benjie Resultan, Joey Ferrer, Ronnie Delos Santos, Gerry Pascua, Sherwin Diaz, Teofilo Ferrer, Jewel Castro, John Paul Regalado, Alfred Pascaran at isang ‘Ruseller’ na kilala rin bilang ‘Sel’.
Sinabi ng mga otoridad na hindi pa nakikilala ang sampu pang suspek na kinabibilangan ng mastermind, financiers, kasabwat at iba pang may kaugnayan sa nasabing kaso.
Magugunitang nasawi sa nasabing ambush ang isa sa security men ni Espino at kaniyang driver.
