Hawak na ng mga awtoridad ang 2 teenager na suspek sa pagpatay sa isang doktor sa San Mateo, Rizal.
Kinilala ang suspek na si Brian Garanil, 19 anyos at kapatid nitong lalaki na 13 anyos.
Naaresto ang magkapatid ng pinagsanib na pwersa ng San Mateo at Masbate Provincial Police Office sa bayan ng Monreal, kanina.
Ayon kay San Mateo Police Chief, Supt. Ruben Piquero, nagtatago sa isla ng barangay Macarthur ang 2 nang dumating ang mga awtoridad.
Oktubre 17 nang matagpuang tadtad ng saksak ang bangkay ng biktimang si Dr. Jesus Comedido, 60 taong gulang sa isang septic tank sa kanyang bahay.
Base sa imbestigasyon, sinermunan umano ni Comedido ang magkapatid na kanyang inampon, dahil sa pagkawala ng kanyang cellphone at laptop computer.
By: Drew Nacino
