Umakyat na sa 278 ang bilang ng mga tauhan ng Philippine National Police (PNP) na nagpositibo sa coronavirus disease 2019 (COVID-19).
Ayon sa PNP Public Information Office (PIO), 117 sa mga ito ang nakarekober na mula sa sakit habang apat naman ang nasawi.
Batay rin sa kanilang pinakahuling datos, nasa 761 ang itinuturing na probable, habang halos 600 naman ang suspected COVID-19 case.
Una nang binigyan ng accreditation ng Department of Health (DOH) at Research Institute for Tropical Medicine (RITM) ang sariling COVID-19 testing facility ng pnp na may kapasidad na 150 test kada araw. —ulat mula kay Jaymark Dagala (Patrol 9)
