Isa umanong breeding ground ng mga terorista ang Pilipinas.
Ayon ito kay Russel Salic, ang Pilipinong naaresto sa tangkang pag-atake ng ISIS sa New York City noong Mayo ng nakaraang taon.
Ayon sa US Justice Department, nabasa nila sa mga palitan ng mensahe ng mga suspek na ipinagmalaki pa ni Salic na nagpupunta sa Pilipinas ang mga terorista mula sa ibat ibang panig ng mundo para magsanay.
Hindi kasi aniya strikto ang batas ng Pilipinas sa mga aktibidad ng terorismo.
Ayon naman sa US Embassy, sinabi rin ni Salic na madali lang siyang makapagpapadala ng pera sa mga kapwa niya suspek kung galing sa Pilipinas dahil hindi anya ito matutunugan agad.
—-
