Mga terorista mapanlinlang sa kanilang pinaglalaban – former US Sec. of State

Tinawag na Infectious Virus ni dating US Secretary of State Madeline Albright ang international terrorist group na ISIS o Islamic State of Iraq and Syria at ang Maute Group sa Mindanao.

Ayon kay Albright, ginagamit lamang aniya ng mga terrorist leaders ang kasaysayan upang maisulong ang kanilang mga pansariling interes para makakuha ng sapat na kapangyarihan at impluwensya.

Madalas aniyang nililinlang ng mga terorista ang mga inosente na ipaglalaban ang kanilang mga karapatan gayung ang tunay na layunin aniya ay sakupin ang mga tahanan at ubusin ang kanilang mga kabuhayan.

Binigyang diin pa ni Albright na tutol siya sa paggamit ng terminong war on terror dahil sa pinakakalat lamang nito ang kaisipan ng pagpatay lamang sa halip na pakikibaka para sa tama at katuwiran.

By: Jaymark Dagala

Comments

comments